Anu yung after 6 diet?

Nung isang araw may nag regalo sa akin ng 7 polo shirt na iba't iba ang kulay... at dahil dun ako'y natuwa at dali dali akong nag punta sa kwarto ko at sinukat ang pink na damit at nang maipasok ko na yung ulo ko sa damit at nung inilapat ko yung damit ko sa katawan ko..... ANAK NG JUETENG naman oh!!!! 'Di kasya sa akin!!! Takte di ko malaman kung may sira ba yun o sadyang tumataba na naman ako. Nag mukha akong suman na kikay dahil kulay pink.
Dahil sa sama ng loob ko dahil minsan na nga lang may mag regalo sa akin at MINSAN na lang ako mag karoon ng bagong damit ito pa ang mapapala ko(huhuhuhu). Nag punta ako sa banyo namin para tignan sa salamin yung katawan ko... peste!!! kahit sa salamin namin di na mag kasya katawan ko...ganun na ba ako kataba?(sabay tingin sa katawan ko)... Hmm okay okay medyo mataba nga ako at di ko ipag kakaila na may abs ako, yun nga lang pahalang ang itsura... parang 3 french bread na itinapal sa tiyan ko.

'Di naman talaga ako matakaw sadyang mabilis lang akong tumaba, 3 beses lang akong kumakain kada araw...

Almusal:

• Kadalasan 20 pan de sal ang kinakain ko at kalhating bote ng peanut butter or isang latang sardinas(yung pula at dapat LIGO sardines para malasa)
• Mga 3 basong juice

Tanghalian at Hapunan:

• Dahil dalawa lang kami ng tatay ko sa bahay konti lang ang sinasaing kong bigas... usually 3 gatang lang ang niluluto ko...(yung 1/2 na gatang ng bigas sa tatay ko at yung 2 and a half sa akin)
• Mga kalhating kilo ng karne ang usually niluluto ko para tipid(Takte mahal na ang karne dito, 180 per kilo na!!!)

Na aalarma na talaga ako kaya napag diskitahan kong mag DIET... Teka pano ba yun? Ibig sabihin ba na di ako kakain ng madami? Ibig bang sabihin kailangan ko ng mag excercise? Panu ba mag diet? Kinunsulta ko ang aking butihing girlfriend at sabi niya subukan ko daw mag AFTER 6 diet... Anu yun after ba ng 6 cups ng rice di na ako kakain pero anak ng jueteng napahiya ako ng malaman kong AFTER 6pm pala di na pala ako dapat kakain.

So far tatlong araw na akong nagda-diet at parang pinapatay ko lang ang sarili ko dahil di na ako nakakakain ng mga paborito kong pag kain tulad ng Adobo(yung maraming mantika), Kare-Kare(yung saksakan ng creamy yung sauce), mga tsokolate. Sabi din ng gf ko dapat kumain daw ako ng gulay... di kasi ako kumakain nun dahil di yun tatanggapin ng systema ko at mag kakasakit ako(joke lang). Pero pwera biro, kumakain naman akong gulay ah... at naisip kong gumawa ng list ng mga gulay na kinakain ko:

• Patatas
• Potatoes
• French Fries(dapat Mcdo)
• Potato Chips
• Hash Browns
• Mashed Potatoes
• Mojos(sa shakeys)

Hahahaha parang puro patatas lang ang naiisip ko ah... haaay oh mauna na muna ako at mag excercise pa ako... wish me luck na sana bago mag kaarawan ko mag kasya na ako sa pink kong damit.(nagugutom na naman ako ah nakakapagod talagang mag type...)

Sino ang mas mahal ko? Tekken o ang Girlfriend ko?

WARNING: ISANG NAPAKAHABANG POST PARA SA LAHAT NG SINUNGALING

Anak: Nay bakit kaya ganun ang buhay?

Nanay: bakit? anu meron at parang may problema ka?

Anak: Wala lang na isip ko lang... bakit kaya ang Mapag laro sa isang relasyon ay laging napupunta sa mga taong seryoso kung mag alalga ng isang relationship, bakit kaya ang mga taong two timers ay laging napupunta sa mga Loyal kung mag mahal at bakit yung mga taong trip nila or past time ang pananakit ng feelings ay napupunta sa mga taong kakagaling lamang sa isang heartache dahil sinaktan sila ng dati nilang minamahal?

Nanay: Hmmmm hindi ko alam kung bakit pero naniniwala ako na kaya sila ang pilit na pinag tatagpo at pinag sasama kasi kung katulad nilang two timers, mangloloko, at di seryoso sa isang relationship ang makakapareha nila... wala silang matututunan at wala din pag kakataon na magbago sila kasi nga parehas silang mapag laro... isipin mo na lang na kaya naging kayo kasi may dapat kang baguhin sa kanya...isipin mo na lang na naging kayo para tulungan siyang mag bago....

Usapang seryoso naman tayo dahil baka akalain niyong puro kalokohan na lang ang kinukwento ko dito(lolz). Anyway nung last time akong nag ikot ikot dito sa blogsphere biglang may napansin akong magandang title ng post.... ng pinuntahan ko ang blog ng kapatid nating si PAU.... ANAK NG JUETENG!!!! Biglang kumulo ang dugo ko sa mga nabasa ko sa post niya...

Isa si pau sa mga naging malapit sa akin dito at somehow tinatrato niya akong parang kuya kahit di pa kami nag kikita at ayaw ko din mag pakita sa kanya kasi tiyak na mag papalibre siya ng McDo sa akin at pakiramdam ko matakaw yun kaya siguradong ubos budget ko sa kanya(peace tayo pau hahahahah). Balak ko sanang kopyahin yung buong post niya para maintindihan niyo pero dahil wala naman akong sariling internet at 30 pesos lang ang pera ko....

PATALASTAS MUNA TAYO:
Alam niyo bang 15 months na akong nag bo-blog pero wala kaming computer at internet sa bahay.... just imagine kung gaano na kalaki ang inuubos kong pera sa kakablog ko.... hahahahaha POOR lang kami eh...


Mabalik tayo sa post ko.... yung post ni Pau is about how her FUC#!NG Bf treats her... bigla kasi akong nawindang sa mga nalaman ko sa kanya... oo nga pala ang title ng post niya ay

"7 Deadly Sins"
(pinaiksi ko para di gaun kahaba yung post ko)

• "alm mo minsan iniicp ko, sna xa nlng gf ko para kainggitan ako ng lht"(biglang inopen ng walang kwentang bf niya yung topic na tungkol sa gustong gusto niyang idate na gurl... taena oh topic ba yun?)
• "minsan lalabas kame para magdate.. pero maya maya maglalaro siya ng teken o dota.. at 30 mins o 1 oras akong magmumukhang tanga sa likod nia habng nglalaro xa..."(sino naman ang nasa matinong pag iisip na pag hintayin ang mahal niya ng 30 mins. o isang oras dahil busy kakalaro ng computer games.... adik ba siya o sadyang may tuliling)
• "simula ng naging kami wala pa siyang ngagawang special na bagay para sa akin.. kahit simpleng regalo nga di nia ko mabigyan dahil inuubos niya lahat sa laro niya e,,."(Alam kong to give is much better to recieve pero takte naman yung bf niya kasi mas inuuna pa niya yung pag lalaro ng dota at teken kaysa sa gf niya)
• usapan na namen na magdadate kami..kasi ilang araw kaming di nagkita dahil sa trabaho nyia..naka ayos na ako..handang handa na..bigla siyang magtetext.. "di na tau tuloy... kailangan daw ako ni kua sa office.. pxenxa na babawi nlng ako nxt tym.." ang masaklap dun..pang 5 beses na niyang sinbi yun sa akin..ung "bawi na lang ako next tym". Lahat nung next time na yun, di natutuloy..(Kapag ikaw di mo kayang tuparin ang pangako mo wag kang mangangako or mag papaasa...)
• Minsan nag text ang bf ko na mamaya na lang kami mag text dahil may klase pa sila so ayun di muna ako nag text at napag isipan ko na lang na mag gala sa SM Bacoor at hulaan niyo kung sino nakita ko at nag lalaro ng arcade? Ang Bf ko naabutan ko dun sa laruan.(anak ka jueteng!!! wag ka din mag sisinungaling... sino ba ang gf mo si PAU ba o si XIAOYU ng tekken 6?)
• tapos na ang klase ko nun, kaya pumunta na ko sa sm para makipagkita sa kanya.. nagkta kami saglit dahil break niya.. maya maya nagpaalam na siya dahil my klase na siya.. napag usapan naming hihintyin ko xa hnggng uwian nia... naghinty ako ng 4 na oras, ng mag-1 pagod na pagod at gutom na gutom.. ang saya saya ko sa pagbalik nia.. sinalubong ko pa siya ng isang napakatamis na ngiti... at kinamusta ko pa kung anong nangyari sa klase nila.. alam niyo ba kung anong sinagot niya?
  "wala kaming klase eh.. nagpaprint lang ako dun sa computer shop katapat ng school namin.. tapos nanuod na din ako kay mark ng dota" imagine, 4 hrs akong naghintay kahit na pagod na pagod ako galing school,at gutom na gutom pa.. mag 1 pa ko ah! tapos sasabihin niya nanuod lang siya ng dota! hindi man lang niya naisip na mag 1 ako sa sm! hindi man lang siya nagtxt para papunthin ako dun.. di man lang nia inisip ang kalagayan ko..(No comment ako dito ayaw kong mapamura dito)
• Nag-away na naman kami at nagbreak ng arw na yun..magkatxt kame at hingi siya ng hingi ng twad... Maya maya na isip namin ng clamate ko na pumnta sa sm.. habang nasa byahe kami. Napatingin ako sa opisina nila.. (malapit lang un sa s.m, di ako stalker ah) Guess what kung anong na kita ko habang nagmamakaawa siya at lumuluha sa mga txt niya skin.... AYUN! MAY KALANDIANG BABAE... TAWA NG TAWA.. HABANG NAKIKIPAGKURUTAN PA SIYA NG ILONG..
  
  ayun.. dahil nga sa UBOD ako ng TANGA... pintwad ko p din xa...(kumukulo na ang dugo ko!!!!!!)

Bakit kaya gunun? May mga taong kahit na anung pananakit ng kanilang minamahal ay patuloy pa din sila sa pag bibigay ng pag mamahal sa partners nila... bakit kahit anung buti ng mga partners nila ay nakakagawa pa din sila ng mga kalokohan na nag dudulot na sakit sa kanilang mahal.... teka mahal ba tawag dun? Alam kong di ako isang specialista pag dating sa mga usapang love pero alam ko yung pag kakaiba ng tama sa mali.... MALI yung ginagawa ng mga tao sa pananakit sa mahal nila at MALI din yung SOBRANG martyr....


Dear pau,

'di masamang mag mahal.... pero di na pag mamahalan yung ginagawa niyo.... at one more thing TAKTE KA!!!! Bakit mo ako inaagawan ng trono? Dapat ako lang ang MARTYR sa buong blogsphere hahaha.

Lapit na Birthday ko... gift niyo?

Habang ako'y nagkakalkal ng aking mga lumang diary bigla na lang may nalaglag na munting papel na tila ba parang naninilaw na dahil sa tagal ng nakatago.... nagulat ako sapagkat di ko alam na tinago ko pala ito... siguro nag tataka kayo kung ano ito noh? hhmmmmm pilitin niyo muna ako... wahahaha say PLEASE!!!! Joke lang... ito yung nilalaman ng munting papel na pinag lumaan na ng panahon.

Paalam... Salamat....

Nagbago ako para sayo
Ginawa ko ang lahat
Mapansin mo lang ako
Para lang mahalin mo

Pero anong ginawa mo sapuso ko
Iniwan mo lang na parang aso
Kung alam ko lang na gagawin mo ito
Sana hindi na ako nagpatuloy
sa pag-ibig ko sa iyo

Sana wala na lang akong puso
Para hindi na ako nakakaramdam
Sana hindi na lang ako umibig sa iyo
Para hindi ako nasaktan ng lubusan

Bakit paulit-ulit ang pangyayari?
lagi na lang may iyakan
Bakit kailangan pang magpaalam?
Kung maaari namang walang iwanan.

Lagi na lang akong nasasaktan
sa isang bagay na walang katuturan
Masama bang magmahal ng lubusan
At lagi na lang akong naiiwan

Paano kita magagawang kalimutan?
Kung ang aking mundo ay ikaw
Paano ko matatanggal sa aking isipan
ang masasayang araw at tawanan?

Kay hirap gawin ng ganitong bagay
Dahil ikaw ay naging parte ng aking buhay
Ngunit kung hanngang dito na lang talaga
Ito'y aking tatanggapin

Kaya naman nais kong magpasalamat
Sa iyong mga alaalang iniwan sa akin
Sa mga araw na hindi
maaaring malimutan
At sa mga kasiyahang
walang katapusan.

Ngayon, malamig ang aking kaarawan
Dahil wala ka na sa aking tabi
Mahirap sabihin,mahirap tanggapin
Nawala ka na ngayon sa aking piling

I wrote this 2 days before my birthday... 4 years ago para sa babaeng inakala kong magiging kami habang buhay(sniff sniff). Pero na saan na siya sumama na sa pesteng Pinsan niya(yuck!)

Anak ng jueteng kasi.... di ko alam if na nanadya ang tadhana.... biruin mo 5 years na akong nag se-celebrate na birthday na mag isa... teka di pala actually mag isa...kasama ko nga pala si Ronald McDonald(lolz). Usually ganito lang ang ginagawa ko dahil wala akong makasama pag birthday ko...

• Pumunta sa mall(Megamall, Galleria, MOA, or Sta. Lucia)
  
• Kumain sa Mcdo ng Cheese burger, Caramel sundae, large sprite,2 large fries at spaghetti(diet pa ako ng lagay na yan)
  
• Manuod ng sine(dalawang beses kong papanuorin yun dahil gusto kong makabisado yungmga scenes)
  
• Mag laro sa amusement center ng arcade(oo nag lalaro paako up to now ng mga video games)
• Bumili ng fave book ko(kahit ano basta maganda)

Pero I think this years different...may makakasama na kasi ako sa birthday ko... pero alam mo ba na parang gusto kong maiba yung gagawin ko this year? This time parang gusto kong:

• Pumunta sa Luneta(takte di paako nakakapunta dun)
• Mag date kami ng gf ko sa isang sossy na restaurant(takte kulang pa ang budget)
• Manuod ng Transformers(anak ng jueteng matatapos na yata yun sa mga sinehan di ko pa napapanuod ah)

• Maipagawa ko na yung blogger na T-shirt ko(Kulay black yun. May Blogger na logo at name ko sa likod, at sa harap naman nakalagay yung word na "pinoy blogger")

Pero kahit anung mangyari sa birthday ko I'm glad kasi makakasama ko ang jowa ko.... pagpasensyahan niyo na if ganito ang post ko... NAGPAPARINIG LANG KASI AKO SA INYO! BIRTHDAY KO NA!!!! Regalo niyo mga kapatid at mga parekoy nasaan na? hahahahahaha

JULY 22 19??
Birthday ko!!!




Pa BURGER NAMAN KAYO!!!!

P.S

Birthday ni Ms. Donna nung July 9(yata) hahahahaha
Happy Birthday Ms. Donna!!!!

P.S(ulit)

nagtataka ako sa iba sa inyo... bakit niyo hinahanap yung pinag mumulan ng background song ko? hahahahaha haaaay sige na nga ilalabas ko na... nandun sa baba... pero dati nasa ibaba ng header ko.... naka hidden.... ingat

Ang ADOBO.... BOW!

Maaga akong gumising kanina para sunduin ang jowa ko sa skul nila para gumawa ng assignment niya at bantayan yung mokong na si "ALGEON"(kontrabida siya sa amin ng jowa ko), swimming class kasi ng jowa ko kaya naka swim suit siya... yung mokong na yun laging umeepal sa gf ko(sarap gilitan ng leeg). Takte!!! anak ng jueteng 12 pa pala ang uwian nila at.... at... at 8:25 pa lang ng umaga(excited) hahahahaha anyway habang nag lalakad lakad ako dito sa Marikina biglang kumalam ang sikmura ko.... di pa pala ako nag aalmusal.... habang nag hahanap ako ng makakainan dito sa palengke biglang may naamoy ang munti kong ilong.... takte ADOBO yun ah!!! Dali dali akong umupo at umorder ng isang Adobo at ng makasubo na ako bigla ko naalala yung dati kong niluto para sa jowa ko.... "adobo".

Maagang umuwi kasi ang jowa ko that day at mula 10 am 'till 5 pm nag kulitan lang kami(mga utak niyo huh... ayan na naman kayo!) Wala talaga akong maisip na madaling iluto kaya adobo na lang ang napag tripan kong iluto para sa kanya...(first time ko mag luto para sa isang gf)

Hinanda ko na yung mga sangkap at sinimulan ko na ang mala cooking show na pag luluto kasi katabi ko ang jowa ko.

Adobo Ingredients:

• 1/2 kilong baboy cut into cubes(cubes at HINDI mala giniling sa liit ng hiwa)
  
• 1 heas ng garlic(pang taboy sa mga aswang at pati gf ko lalayo pag di ako nag toothbrush after kumain ng garlic)
• 1 toyo(datu puti huh.... yung nasa pouch para tipid)
• 1/2 suka(hindi yung galing sa kilili huh.... di natural yun dapat datu puti din)
• 2 cups ng water(mineral daw sabi ni gf)
• 1 teaspoon ng paprika(anu yun?nakakain ba yun?)
• 5 dahon ng laurel leaves
• mantika
• 2 tablespoon ng cornstarch(pang papalapot)
• salt and pepper to taste(wow parang cooking show lang talaga ah)
  

Adobo Cooking Instructions:

• In a big sauce pan, heat 2 tablespoons of oil then sauté(anu yung sauté?) the minced garlic and onions(teka parang di ko nalagyan ng onions yung ingridients ah, basta lagyan niyo na lang para masaya)
  

• Ilagay ang pork sa pan. Add 2 cups of water, soy sauce, vinegar, paprika and the bay leaves. Pakuluin(iba ang pakuluin sa tuyuin!). Takpan for 30 minutes hanggang sa lumambot.Kaya habang pinakukuluan ko yung baboy balik ulit kami sa kama ni jowa at...... nagkwentuhan ulit(hmmm utak niyo ang dumi ah!)
  

• Makalipas ang 30 minutes na pag aanuhan este pag lalambingan balik ulit ako sa kusina this time kasama na si gf... pag malambot na yung baboy ihiwalay yung natitirang sauce at buhusan ng mantika yung kawali at iprito ang baboy until maging brown...Alam niyo ba yung iprito? Iba ang iprito sa sunugin!
  

• Ater ng ilang minutong pag iiwas sa mga talsik ng mantika ihalo na ang natitirang sauce sa baboy na naprito niyo at mag lagay ng cornstarch para medyo lumapot ang natitirang sauce.
  

• Add salt and/or pepper para mas masarap... samahan na din ng isang mahigpit na yakap at sweet na halik ni jowa....
  

• Pakuluin ulit hanggang lumapot na ang sauce... kaya habang hinihintay namin lumapot ang natitirang sauce balik sa lambingan kami ng gf ko... hahahahaha
  

• Ihain kasama ng mainit na kanin at malamig na ice tea... yung nestea huh..

Kakain na sana kami ng biglang nakaramdam ng pagod si gf kaya ihiniga ko muna siya.... at ayun... nakatulog na siya ng hindi nakakain yung adobo ko.... so no choice kaya tinabihan ko na lang siya sa kama at......natulog kami...hahahahaha. Pagkagising niya kinain na din namin sa wakas yung niluto ko....

Haaaaay isa yun sa mga pinaka magagandang memories ko with her... takte ang tagal mag 12 huhuhuhu....

Lucky 7

Pag pasensyahan niyo na if naging busy ako lately at medyo napapabayaan ko na ang pag bo-blog ko sakit kasi ng katawan ko.... hmmmm bakit nga ba masakit katawan ko? Hahahaha itanong niyo sa gf ko... wahahahaha...

Anyway, nung July 1 ay 7 monthsary namin ng jowa ko at as usual wala naman kaming ginawang kakabalaghan este importante pala. Sinundo ko lang siya sa school nila at binitbit lang yung mabigat na bag niya na kulay pink at pumunta kami sa kwarto ko este bahay pala pero dumeretso agad kami sa kama para...... magpahinga.. napagod kasi siya. So ayun habang nakahiga kami at pinag mamasdan ko siya at ang magagandang mata niya bigla na lang akong nakaramdam ng kakaibang pakiramdam... HOY!!!! Alam ko ang iniisip niyo!!!! Kung anu man yung iniisip niyong madumi hindi yun ang naramdaman ko....hahahaha.

Hindi lang ako makapaniwala na 7 Months na pala kami.... Tandang tanda ko pa nung almost 8 months ago ang tawag ko lang sa kanya ay "baby couz" pero now parang higit pa kami sa mag jowa dahil sa mga ginagawa namin at mga pinag daanan namin
(HOY UTAK NIYO HUH AYUSIN NIYO!!!!).

Hindi naman matatawag na perfect ang relationship namin actually medyo magulo nga pero this past few weeks medyo nagiging ayus na kami. Although nakakapag inflick kami ng pain sa isa't isa still nakakapagpatawad kami at jahit isang katerba ang tumututol sa amin dahil sa age gap namin... 'wa kami pake at patuloy lang kami sa pagmamahalan(woooot!!!)

Teka mabalik ako sa mga ginawa naming milagro sa kwarto.... ayun humiga lang kami for almost 5 hours yata, nagpagulong-gulong at nag kulitan. Isa na siguro yun sa pinaka masayang araw ko sa buong buhay ko. Habang hinihipo ko yung....... pisngi niya bigla ko na lang naisipang sabihin sa kanya kung bakit ko siya minahal at bakit patuloy pa din ako sa pag mamahal sa kanya... ayun nag cry cry ang bruha.... hahahaha.

Pero siguro nag tataka kayo kung bakit masakit na naman ang katawan ko at bakit laging masakit ang mga laman laman ko sa tuwing sasapit ang monthsary namin.... hahahahaha SECRET YUN!!!! Binubugbog niya ako... joke...


HOney,

Salamat sa lahat ng naitulong mo sa akin.... salamat for teaching how to trust again.... salamat sa pagmamahal... salamat sa mga panahong sinusoportahan mo ako sa tuwing walang taong mag tyagang sumuporta sa akin(teka parang ang gulo yata). basta salamat talaga.... I love you so much... at alam kong ilang daag beses mo ng nadinig ito pero gusto ko lang ipag sigawan sa lahat na ikaw ang reason ko why nakaka ngiti na ako. I love you.

P.S

honey sakit talaga ng katawan ko... kaw masakit pa ba katawan mo? hahahahaha Next month ulit huh....

Glitter Text @ Glitterfy.com

Bago ko tapusin itong post ko gusto ko lang ipaalam na malapit na ang kaarawan ko...
July 22 19?? Ngayon pa lang tumatanggap na ako ng mga regalo at mga cash bilang donation sa birthday ko.... takte ang tanda ko na!!!!!