I made her laugh again....

Habang binabasa ko yung mga lumang post ko bigla akong napadaan doon sa post ko bout sa “Ano ba yung 3 things na hinahanap ng isang gf sa bf niya na dapat ibigay?” Guess what guys… natupad ko yung isa sa tatlong bagay na yun… too bad kasi nagawa ko yun nung wala na kami… pero at least nagawa ko pa din at yun ang mahalaga… “Better Late than Never”

Nabuo yung plano na yun habang nakatulala ako sa kisame ng bahay namin at pinag mamasdan ko yung butiki…

“Teka magkano ba ang pera ko?”

“Anak ng Jueteng! 1000 na lang at matagal pa ang sahod… Panu kaya yun?”

“Bahala na! Basta bukas na bukas din kailangan kong maibigay yun”

Alas 4 ng hapon ang uwian niya kaya if ever na gagawa ako ng ka-kornihang bagay dapat mas maaga ako… Umalis ako ng bahay ng mga bandang alas dos ng hapon dahil mag hahagilap pa ako ng flowershop sa Sta. Lucia Mall or kahit sa Robinson MetroEast… Habang naglalakad ako papasok ng nasabing mall bigla na naman nag isip ang munting utak ko at tinanong ko ang sarili ko… “Worth it ba itong gagawin ko?” Napangiti na lang ako at binulong ko sa sarili na lahat gagawin ko maging masaya lang siya… “Worth it itong gagawin ko”

Sa wakas at nakahanap na din ako ng flowershop at dali dali akong nag tanong kung magkano ang 3 red roses?

Ako: “Miss excuse me po, magkano po ba yung 3 red rose?

Sales lady: “385 sir pag walang kahon, 595 pag naka box…”

Ako: “Takte ang mahal pala(bulong ko sa aking sarili) Ahh miss yari ba sa ginto yung kahon at ang mahal? sige na nga miss… kukuha ako ng 3 red roses pakilagay sa box”

Sales Lady: “Okay sir pakihintay na lang po”

Makalipas ang 15 minuto lumabas ako sa mall na may bitbit na bulaklak and take note ang get up ko… Naka black na slacks, black shoes at polo na kulay apple geen(Anak ng Jueteng para akong aakyat ng ligaw sa ex ko) pero sige lang sa pag lakad kahit pinag titinginan na ako ng mga tao.

Nagsimula akong mag hintay sa overpass ng 3:35pm at juice ko po! Alas 5:25 na dumating ang ex ko sa usual na babaan ng jeep… pero anu itong nakikita ko… may kasama siya. Hindi ko na i-elaborate yung details basta masakit! Ahh sige lang ako sa pag kuha ng tiempo para maibigay yung bitbit kong bulaklak pero habang sinusundan ko sila ng tingin eh biglang nalingat ako at pag balik ng tingin ko sa kanila ay bigla silang naglahong parang bula…Anak ng Jueteng ang tanga ko! Bakit sila nawala? Dali dali akong tumakbo at hinanap ko sila… Baka naman pumasok sila sa mall? Pumasok ako sa at… napahinto ako bigla… “Ano naman ang gagawin ko dito at paano ko siya mahahanap?”

Nagpunta ako sa customer service… yung lugar na nag p-page ng mga batang nawawala at pina page ko siya

“Ding-dong… Miss Michelle Bernardino please proceed to the customer service area someone is waiting for you”

Makalipas ang 15 minuto aba wala pa din… nanglulumo akong lumabas ng mall at halos umiyak na ako. Bigla ko na alala si BRO, ”Bro if nakikinig kayo, kailangan kong maibigay sa kanya itong regalo ko… kayo na bahala sa miracle…”

Sumakay ako ng jeep at habang pauwi na ako… bigla siya nag text(si ex).

“Sana sinabi mong susunduin mo ako para nahintay kita” sabi niya.

“Nasaan ka?” reply ko sa kanya.

“Malapit na sa Estrella"(lugar yun sa Cainta)text back niya sa akin.

Biglang tumalon ang puso ko kasi nasa Parola lang ako(Sa Cainta din yun mga 1 ½ kilometro lang ang pagitan namin dalawa.)

“Bumaba ka na ng Jeep!!!!! Hintayin mo ako may ibibigay ako sa iyo”

Anak ng jueteng di ako nag dalawang isip na bumaba ng jeep dahil traffic at takbuhin ko yung 1 ½ kilometro para lang ibigay ko yung bitbit kong mga rose. Pinag titinginan na ako ng mga tao dahil para akong si Jerry sa Meteor Garden na tumatakbo na tila ba may hinahabol niya yung leading lady niya. Di ko inisip yung tingin ng mga tao sa akin basta isa lang ang nasa utak ko that time… kailangan kong abutan siya at maibigay ko ito.

Makalipas ang 1 ½ kilometro at 1 timbang pawis, inabutan ko din siya…

“Hon, I love you”(habang kinakapos pa ng hininga dahil sa pagtakbo ko) sabay abot ng bulaklak… OHA!!!! Parang pelikula lang noh? Pero totoo ito at proud ako sa ginawa ko dahil naipakita ko na mahal ko siya talaga.

Speechless siya habang hawak niya ang mga bulaklak niya… sabay sabi ko… tara ihatid na kita pero hanap muna ako ng sari-sari store… nang makahanap ako ng tindahan bumili muna ako ng softdrink at nagpahinga…

“Michelle, hope you like your flowers…”

Di pa ako nakakatapos mag salita ng bigla niya akong niyakap ng mahigpit sabay iyak…

“Sorry sa lahat ng pain na nagawa ko sa iyo… hon, babalik ako hintayin mo ako” sabi ni ex..

Takte sarap naming kunan ng video… sa pelikula ko lang kasi napapanuod itong eksenang ito eh…

Bait talaga ni BRO, gumawa siya ng way para maging maganda ang pagbibigay ng regalo ko sa ex ko.

The EnD

*The things I do in the name of love… try to beat that!!!!

*Kaso hindi pa din “kami” eh… kaya heto balik ako sa paghihintay ulit na maging kami…

*Love you honey hintayin pa din kita kahit abutin pa ako ng siyam siyam.... worth it naman eh....

haaaay miss na kita