Pangarap ko ito?

Pangarap… teka bago ako magsimula… ano ba ang pangarap niyo? Lahat naman siguro tayo may pangarap diba? Anak kayo ng jueteng pag wala…

Nung bata ako gusto ko maging piloto at dinala ko yung pangarap nay un hanggang mag college ako pero dahil sa di inaasahang pagkakataon nahinto ako kung kelan 1 taon na lang at bibigyan na ako ng diploma…

Naglaho ang pangarap kong lumipad. Habang tumatanda ako este nag mamature ay nababago din ang pangarap ko… nakita ko na mahirap ang buhay at mabuhay… dati kasi mula elementary hanggang mag college na ako eh puro hingi lang ng baon ang ginagawa ko at puro bilyar lang alam ko. Hindi nga ako nanghihinayang sa pinapabaon sa akin. Kick back doon kick back dito, gala doon gala dito.

SIDETRACK MUNA TAYO:

Alam niyo ba dati maaga kong nadiskubre na may talent ako sa pag kick back(lolz). Confession ko ito na up to now wala pang nakaka alam… sana hindi binabasa ito ng tatay ko(cross fingers). Sa totoo lang 4 na araw lang ang pasok naming nung college pa ako pero ang alam sa bahay ay 7 araw, pag nag eenroll ako gumagawa ako ng sarili kong resibo, di nauubusan ng projects sa skul.

Mabalik na tayo sa storya ko, ngayon simple na lang ang pangarap ko, makabili ng sariling kotse, isang malaking bahay na may 2 swimming pool… hahaha joke lang… pangarap ko lang makaipon para sa kinabukasan ko… masustentuhan ko ng mabuti ang tatay ko, makapag patayo ng bahay kahit maliit lang para sa future family ko… at pangarap ko na maging parte siya ng future ko(oha oha ang cheesy).

Kung alam ko lang na ganito kahirap ang buhay sana nagtino ako dati, nag ipon at nag aral ng mabuti… ngayon alam ko na para maabot mo ang pangarap mo… dapat haluan mo ng sipag at tyaga… takte 25 na ako pero lupa pa lang sa paso ang meron ako(joke lang)

Minsan nga parang kahit anung sipag ang gawin ko eh di pa din ako nakakaipon ng malaki… dami kasing gastos eh… basta hopefully in 5 years time matupad ko na yung pangarap ko…makataya nga sa lotto... baka sakaling tumama ako.... joke lang.