Sana araw-araw na lang ang Birthday ko

(picture niya ito nung inaasar ko siya 'bout sa cute niyang ilong, wahahah)

Pasensya na kung ngayon lang ako nakapag post sa kadahilanang medyo masakit pa ang katawan ko este wala akong maikwento sa inyo tungkol sa nakaraang kaarawan ko. Ano nga ba ang nangyari sa akin kahapon(july 22)...

Gumising ako ng maaga dahil excited ako... Akalain niyong kaarawan ko na. Na alala ko tuloy yung sinabi ng tatay ko na napulot lang daw ako sa takip ng Nestle Ice creame(Ube flavor). Dati kasi laging may libreng laruan sa bawat gallon ng ice creame nila. Parang dami kong gusto gawin pero sadyang kulang ang bente-kwatro oras para pag kasyahin yung mga gagawin namin ng girlfriend ko... Pero syempre bago ang lahat namalengke muna ako sa may "tinda ni citas" talipapa yun sa may amin(hayup sa pangalan noh?) Bumili ako ng 2 pusit pero parang singlaki ng octopus sa laki at ginamit ko yung powers ko sa pag tawad sa binili ko...
Ako: "Manong magkano po itong pusit?"
Manong: "60 per kilo hijo"
Ako: "Ang mahal naman manong pwede po bang 50 na lang kasi wala na akong pera at birthday ko naman eh"
Manong: "Hijo laos na yang palusot mo... tumatawad ka lang eh... sige na nga tutal bwena mano ka"
Ako: "Salamat po manong"(YESSSSS gumana ulit yung palusot ko!)
Habang pauwi na ako bigla akong nakaramdam ng pagkagutom kaya ako'y lumingon lingon sa tabi ko at nakita ko yung "maming tayo"(mami ang tinitinda nun pero nakatayo ka habang kumakain ka kasi naka bike lang yung mamang nag titinda). Aba teka muna may na aamoy na naman ang maliit kong ilong... parang amoy dinuguan yun ah... bigla kong nakalimutan si maming tayo at dali dali akong bumili dun sa tindahan sa likod ng maming tayo... Hala sige subo lang ng subo hanggang mabusog ako pero makalipas ang ilang saglit biglang sumakit ang tyan ko... hala parang sira yata yung nakain ko ah... so in short buong umaga akong masakit ang tyan ko sa mismong kaarawan ko... Anak naman ng jueteng oh! ! !

Pero dahil sa will power ko at kagustuhan kong makita si gf ko pinilit kong pumunta ng Marikina para sumundo... Tumambay na lang muna kami sa isang mall dahil nahihirapan akong maglakad dahil masakit ang tyan ko... upo upo lang tawanan at kulitan lang ang ginawa namin dun sa mall. Dapat kakain kami sa paborito kong Mcdo pero 'di ko talagang kayang kumain dahil ang hapdi ng tyan ko so niyaya na lang ako ng gf kong umuwi sa bahay namin at sabi niya aalagan na lang daw niya ako...

Dapat nag Nursing na lang ang gf ko kasi parang biglang gumaling yung pagka hapdi ng tyan ko nung binigyan niya ako ng isang matagal na "kisspirin" at matinding "yakapsule". Humiga lang kami at nag kwentuhan(Nabasa niyo ba yung sinulat ko? Sabi ko nag KWENTUHAN LANG KAMI! ! ! Tawanan, kulitan at lambingan lang pala ang kailangan ko para gumaling ako at nung mga bandang hapon na napag tripan naming mag luto ng tanghalian... Ang menu ay....



Tama kayo! Isang pritong tilapia na may sukang maasim at napakalamig na Icetea... heheheh. Siguro nag tataka kayo kung saan napunta yung pusit... hmmm sabihin na lang natin na may mabait akong alaga na dumagit sa ulam dapat namin ng gf ko... hahahaha
After namin kumain at nag pababa ng laman ng tyan ay humiga kami ulit at napagtripan ko yung camera ng phone niya... kung anu anong pose ang pinag gagagawa namin at mga kwelang pose.... pero ang pinaka paborito namin ay ito(honey ganda mo dito talaga)...


Huwag kayong mag isip ng kung anu-ano kasi tangin pictorial lang ang ginawa namin kahit wala akong kaalam alam sa pag kuha ng mga pictures hahahaha. UULITIN KO! Nagkuhanan lang kami ng mga litrato,(wahahaha ayaw niyo maniwala noh?)... After kaming mag sawa sa pag kukuha ng mga pictures ay natulog kaming mahimbing habang mag kayakap sa ilalim ng kumot ko...

Kahit hindi nasunod ang mga balakin ko sa araw na yun dahil sa sakit ng tyan ko dahil sa pesteng dinuguan na yun eh naging masaya naman ako at ang girlfriend ko... madami pa naman araw para mag gala sa Luneta(hindi pa talaga ako nakakapunta ng luneta waaaah!!!!). Ang mahalaga ay nag celebrate ako na may kasama di tulad nung nakalipas na mga taon na si Mcdo lang ang ka date ko. Sobrang nag enjoy talaga ako with my girlfriend that day at sana araw araw akong may kiss este araw araw akong may kasama para di na ako nalulungkot sa buhay...

GUSTO KONG MAGPASALAMAT SA MGA SUMUSUNOD:

• Sa Girlfriend ko- Honey thank you so much sa lahat ng mga naibigay mong love sa akin at salamat sa pag ta-try na mapasaya ako palagi.... na aappreciate talaga kita as my partner. Salamat nga pala sa t-shirt na gift mo... Ang ganda ganda talaga nun... I LOVE YOU HONEY
• sa LAHAT ng bumati sa akin dito sa blogsphere- Thank you sa inyo
  
• Pau- Uy Pau salamat nga pala sa post mo about me... Na touch talaga ako sa mga sinulat mo dun. Di ko akalain na ganun ako ka special sa iyo... wowowowow
• Kox- Hahahaha naks ang cute nung ginawa mong parang slogan ah....teka anu ba tawag dun sa ginawa mo for me? hehehehe